თბილისი, 3 მაისი, საქინფორმი. თბილისში გერმანიის საელჩოს ინფორმაციით, გერმანიის საგარეო საქმეთა სამინისტროს რწმუნებული აღმოსავლეთ ევროპის, კავკასიისა და შუა აზიის საკითხებში პატრიცია ფლორი 2-3 მაისს საქართველოს სტუმრობს.

პატრიცია ფლორი, რომელიც 2006-2010 წლებში გერმანიის ელჩი იყო საქართელოში, საგარეო საქმეთა მინისტრ გრიგოლ ვაშაძეს, განათლების მინისტრ დიმიტრი შაშკინს და სახელმწიფო მინისტრს რეინტეგრაციის საკითხებში ეკა ტყეშელაშვილს ხვდება. დაგეგმილია შეხვედრები დემოკრატიისა და ადამიანის უფლებების საკითხებზე მომუშავე სამოქალაქო საზოგადოების წარმომადგენლებთანაც.

გერმანიის საგარეო საქმეთა მინისტრი გიდო ვესტერველე მარტში სამხრეთკავკასიური ტურნეს ფარგლებში თბილისს სტუმრობდა. აპრილში კი თბილისში ჩამოვიდნენ გერმანიის თავდაცვის ფედერალური მინისტრის მოადგილე თომას კოსენდეი და საგარეო საქმეთა ფედერალური მინისტრის მოადგილე კორნელია პიპერი.