ბიძინა ივანიშვილის პრესსპიკერი: „ნატო საქართველოსთვის ერთადერთი სწორი გზაა!“

საზოგადოება

1panjikidze თბილისი, 1 მაისი, საქინფორმი. „ნატო საქართველოსთვის ერთადერთი სწორი გზაა და ამ საკითხის გადახედვა არ მოხდება!“ – განაცხადა პოლიტიკური მოძრაობა „ქართული ოცნების“ პრესსპიკერმა მაია ფანჯიკიძემ. ივანიშვილის პრესსპიკერმა, აგრეთვე, საგანგებოდ გაუსვა ხაზი, რომ „ქართული ოცნების“ (ლიდერი ბიძინა ივანიშვილი – საქინფორმი) ხელისუფლებაში მოსვლის შემთხვევაში ამ საკითხის გადახედვა არ მოხდება.

მაია ფანჯიკიძემ მიუთითა, რომ „ქართული ოცნება“ მხარს დაუჭერს ყველა იმ გზას, რომლებიც ქვეყნის დასავლეთში ინტეგრაციისკენ არის მიმართული. „საქართველოს ერთადერთი გზა ნატოსკენ მიდის, ამიტომ საქართველომ ამ გზაზე ყველა მისიაში უნდა მიიღოს მონაწილეობა. ჩვენ ასე მიგვაჩნია კოსოვოს შემთხვევაშიც და ნატოს სხვა მისიებთან დაკავშირებითაც“, – აღნიშნა ფანჯიკიძემ.