თბილისი, 27 აპრილი, საქინფორმი. საქართველოს პრეზიდენტ მიხეილ სააკაშვილის განცხადებით, სტუდენტები რკინიგზით გადაადგილებას 50-პროცენტიანი ფასდაკლებით შეძლებენ. ამის შესახებ მან აგრარული უნივერსიტეტის სტუდენტებთან შეხვედრისას განაცხადა.

„შემოვიღოთ საქართველოს სტუდენტური ბარათი, რაც იმას ნიშნავს, რომ  სტუდენტებმა მაღაზიებში, სუპერმარკეტებსა და ტრანსპორტში ფასდაკლებებით ისარგებლონ. ამით გავუიაფებთ სტუდენტებს ცხოვრებას, რადგან მათ ახლა სწავლაზე უნდა იფიქრონ და არა ბილეთისა და საჭმლის საყიდელი ფულის შოვნაზე. ინიციატივის დამუშავება ახლავე დავიწყოთ და ზაფხულისთვის უკვე ბარათები  უნდა დავარიგოთ, რომ თუ სტუდენტი ბათუმში ან ანაკლიაში წავა დასასვენებლად მატარებლით, მან მგზავრობის ღირებულების ნახევარი ფასი გადაიხადოს“, – განაცხადა პრეზიდენტმა.