პოლიტიკა
„პრეზიდენტის განცხადებებიდან ჩანს, რომ ის შეშინებულია“
თბილისი, 11 აპრილი, საქინფორმი. კოალიცია „ქართული ოცნება“ პრეზიდენტ მიხეილ სააკაშვილს იმ პოლიტიკოსების ღიად დასახელებისკენ მოუწოდებს, ვინც, მისი აზრით, თავის წარმატებას მხოლოდ დამპყრობლის ჩექმების ლოკვაში ხედავს.
„მოვუწოდებთ სააკაშვილს, ეყოს გამბედაობა და დაასახელოს, ვის გულისხმობდა ამ განცხადებაში. ჩვენ მხოლოდ ამის შემდეგ გვექნება რეაქცია. არც კი ვიცი, ზრდილობიანად ამ ტიპის განცხადებას რა ვუწოდო – უზრდელობას დავარქმევდი, თუმცა ეს საკმარისი არაა“, – განაცხადა კოალიციის პრესსპიკერმა მაია ფანჯიკიძემ ბრიფინგზე პრეზიდენტის ამ განცხადების კომენტირებისას.
მისივე შეფასებით, საქართველოს პრეზიდენტის ბოლოდროინდელ განცხადებებში ნათლად ჩანს, რომ ის შეშინებულია.
