საზოგადოება
სტალინის მუზეუმს სტალინიზმის მუზეუმად გადააქცევენ...
თბილისი, 10 აპრილი, საქინფორმი. მიღებულია გადაწყვეტილება ქ. გორში სტალინის მუზეუმის სტალინიზმის მუზეუმად გადაკეთების თაობაზე. საგარეო ურთიერთობათა საკითხების საპარლამენტო კომიტეტის თავმჯდომარის მოადგილე გიორგი კანდელაკის განმარტებით, ცნობილი სპეციალისტებისგან შეიქმნება მრჩეველთა საერთაშორისო საბჭო, რომელიც „ფინანსებს მოიზიდავს და მაღალი დონის ექსპოზიციას შექმნის“.
შეგახსენებთ, რომ იოსებ სტალინის მუზეუმი გორში 1937 წლიდან არსებობს – თავდაპირველად, როგორც სახლ-მუზეუმი, ხოლო 1958 წლიდან – როგორც მემორიალური კომპლექსი. ორი წლის წინათ საქართველოს ხელისუფლებამ გორში სტალინის ძეგლი აიღო. 
