geflag
სამართალი
ჯონ ბასი საქართველოს მთავრობას ივანიშვილის საქმის თანასწორობის პრინციპით წარმართვისკენ მოუწოდებს

bas6თბილისი, 5 აპრილი, საქინფორმი. აშშ-ის საგანგებო  და სრულუფლებიანი ელჩი საქართველოში ჯონ ბასი საქართველოს მთავრობას ბიძინა ივანიშვილის მოქალაქეობის საკითხთან დაკავშირებით თანასწორობის პრინციპის  საფუძველზე  მოქმედებისაკენ მოუწოდებს. მან შესაბამისი განცხადება თბილისში „რედისონ ბლუ ივერიაში“ ჟურნალისტებთან საუბრისას გააკეთა, სადაც ტუბერკულოზთან ბრძოლის ახალი ამერიკული პროგრამის გახსნას დაესწრო.

„აშშ-ის მთავრობა მიიჩნევს, რომ მოქალაქეობის დაკარგვა ან მოქალაქეობასთან  დაკავშირებული საკითხი არის ისეთი რამ, რომელიც კანონის წინაშე ყველას თანასწორობის პრინციპის გათვალისწინებით უნდა იყოს განსაზღვრული. ამ სულისკვეთებით მოვუწოდებთ საქართველოს მთავრობას, რომ ივანიშვილის საქმე სწორედ აღნიშნული პრინციპით და სწრაფად წარმართოს“, – აღნიშნა ჯონ ბასმა.