თბილისი, 29 მარტი, საქინფორმი. როგორც საქინფორმს „რუსეთში ქართველთა კავშირიდან“ აცნობეს, 2012 წლის 28 მარტს კავშირის პრეზიდიუმის სხდომა გაიმართა. განიხილეს „რუსეთში ქართველთა კავშირის“ III ყრილობის მომზადების საკითხები. გადაწყდა – შეგროვდეს რეგიონული ორგანიზაციების წევრთა შენიშვნები და წინადადებები ორგანიზაციის მუშაობასთან დაკავშირებით, რათა შემდგომში ისინი ყრილობის დღის წესრიგში შევიდეს.

ამასთან, „რუსეთში ქართველთა კავშირის“ პრეზიდენტმა მიხეილ ხუბუტიამ პრეზიდიუმს აცნობა, რომ შემოქმედებითი შვებულების აუცილებლობასთან დაკავშირებით უფლებამოსილებას იხსნის. „რუსეთში ქართველთა კავშირის“ პრეზიდენტის მოვალეობის შემსრულებლად, ორგანიზაციის წესდების შესაბამისად, კავშირის პირველი ვიცე-პრეზიდენტი სევერიან ცაგარეიშვილი დაინიშნა.