პოლიტიკა
„ქართული ოცნების“ განცხადება ეროვნულ-დემოკრატიული ინსტიტუტის კვლევებთან დაკავშირებით
თბილისი, 28 მარტი, საქინფორმი. როგორც კოალიცია „ქართული ოცნების“ პრესსამსახური საქინფორმს ატყობინებს, კოალიცია მადლიერებას გამოხატავს აშშ-ის მთავრობის მიერ ბოლო 20 წლის განმავლობაში საქართველოსთვის აღმოჩენილი დახმარების, მათ შორის, USAID-ს ეგიდით განხორცილებული მრავალრიცხოვანი პროგრამების გამო. თუმცა პოლიტიკური პარტიების წარმომადგენლებისთვის უფრო მნიშვნელოვანია ის საქმიანობა, რომელსაც წლების განმავლობაში ეწევიან „ NDI“-ის და „IRI“-ის ადგილობრივი ოფისები.
ამასთან, სოციოლოგიური კვლევების ის ნაწილი, რომელიც პოლიტიკურ პარტიებს ეხება, არა თუ ვერ ასრულებს თავის დანიშნულებას, არამედ კონტრპროდუქტიული გახდა კონკურენტული პოლიტიკური გარემოს ჩამოყალიბებისა და მოქალაქეების მიერ ინფორმირებული პოლიტიკური არჩევანის გაკეთებისთვის.
„NDI“-ს უკანასკნელმა კვლევებმა ეს პრობლემები კიდევ უფრო თვალსაჩინო გახადა და მისი ანალიზი და კომენტირება ყოველგვარ აზრს მოკლებულია, ხოლო კვლევებთან დაკავშირებულ საკითხებზე ჩვენს კოალიციაში გაერთიანებული პოლიტიკური ძალები უახლოეს პერიოდში წერილობით მივმართავთ აშშ-ის მთავრობას და შესაბამის ორგანიზაციებს, სადაც ავსახავთ ჩვენს წინადადებებს საპარლამენტო არჩევნებამდე ამ პრობლემების მოგვარების თაობაზე“, – აღნიშნულია განცხადებაში.
