საზოგადოება
NDI: „ინფორმაციის მთავარ წყაროდ სამთავრობო ტელეარხები რჩება“
თბილისი, 26 მარტი, საქინფორმი. საქართველოს პოლიტიკისა და მიმდინარე მოვლენებზე მოსახლეობა მეტწილ ინფორმაციას „რუსთავი 2“- ის, „იმედისა“ და საზოგადოებრივი მაუწყებლის მეშვეობით იღებს. ამის შესახებ ნათქვამია „NDI“-ს – ეროვნულ-დემოკრატიული ინსტიტუტის, მიერ გამოქვეყნებულ საზოგადოებრივი აზრის კვლევაში. შემდეგ ადგილებზე მოდის „აჭარაTV“, საპატრიარქოს არხი „ერთსულოვნება“, „კავკასია“, „მაესტრო“, II არხი, „რეალTV“ და სხვა მაუწყებლები.
იმის გამო, რომ ყველგან არ აჩვენებს, „იმედს“ვერ უყურებს 3 პროცენტი, საზოგადოებრივ მაუწყებელს – 10 პროცენტი, „აჭარაTV“-ს – 38 პროცენტი, საპატრიარქოს არხ „ერთსულოვნებასა“ და „კავკასიას“ – 58 პროცენტი, „მაესტროს“ – 66 პროცენტი, II არხს – 59 პროცენტი , „რეალTV“-ს – 65 პროცენტი.
შესაბამისი მაუწყებელი ფარავს, მაგრამ გადაცემებს არ უყურებს, „რუსთავი2“-ის შემთხვევაში, 5 პროცენტი, „იმედს“ – 8 პროცენტი, I არხს –28 პროცენტი, „აჭარაTV“-ს – 30 პროცენტი, საპატრიარქოს არხს – 15 პროცენტი, „კავკასიას“ – 20 პროცენტი, „მაესტროს“ – 17 პროცენტი, II არხს – 25 პროცენტი, „რეალTV“-ს – 23 პროცენტი.
შეგახსენებთ, რომ საზოგადოებრივი აზრის კვლევა ჩატარებულია მთელი ქვეყნის მასშტაბით 2012 წლის 22 თებერვლიდან 5 მარტამდე პერიოდში. გამოიკითხა 3 161 რესპონდენტი.
