სამართალი
„ახალგაზრდა ფინანსისტები“ მთავრობას ხელშეკრულების დადების გაჭიანურებაში ადანაშაულებენ
თბილისი, 20 მარტი, საქინფორმი. როგორც არასამთავრობო ორგანიზაცია „ახალგაზრდა ფინანსისტთა და ბიზნესმენთა ასოციაციის“ მედიასამართლებრივი მიმართულების ხელმძღვანელი საქინფორმს ატყობინებს, აფბა ხვალ სპეციალურ ბრიფინგს გამართავს თემაზე: „საქართველოს მთავრობა აშშ-სა და ევროკავშირთან თავისუფალი ვაჭრობის შესახებ ხელშეკრულების გაფორმების მოლაპარაკებებს განზრახ აჭიანურებს“. ორგანიზაციის შეფასებით, მთავრობა, ფაქტობრივად, არ არის დაინტერესებული ასეთი ხელშეკრულების დადებით.
ხვალინდელ ბრიფინგზე აფბას წარმომადგენლები ისაუბრებენ, თუ რატომ არ ასრულებს მთავრობა ევროკავშირის ოთხი მოთხოვნიდან არცერთ მოთხოვნას, რომლებსაც იგი საქართველოსთან ხელშეკრულების დადების წინაპირობად განიხილავს, რატომ აჭიანურებს საქართველოს მთავრობა ამ მიმართულებით მოლაპარაკებებს და თუ რას მოგვიტანს ამ ქვეყნებთან თავისუფალი ვაჭრობა. 
