სამართალი
„თავისუფალი საქართველო“ ადანაშაულებს

fosta-guraSთბილისი, 16 მარტი, საქინფორმი. როგორც „თავისუფალი საქართველოს“ პრესსამსახური საქინფორმს ატყობინებს, დედოფლისწყაროს საკრებულოს თავმჯდომარე წინასაარჩევნოდ მიზანმიმართულად მოქმედებს. პარტიის დედოფლისწყაროს რაიონულ განყოფილებაში ადასტურებენ, რომ სათნოების სახლი „სავანეს“ ბენეფიციარებს ყოველი არჩევნების წინ აიძულებენ,  შემოხაზონ „ნაციონალური მოძრაობა“. პარტიის მესვეურთა განმარტებით, ადგილი აქვს პოლიტიკური ნიშნით ამომრჩევლის მოსყიდვას, რაც სისხლის სამართლის დანაშაულია.

სათნოების სახლ „სავანეში“ 188 ბენეფიციარია, რომელთა ხელმძღვანელი მათ ყოველი პრეტენზიის გამოთქმისას უყვირის, რომ მათ ნაციონალური მთავრობა კვებავს და არავითარი უკმაყოფილება არ უნდა გამოთქვან.

„თავისუფალი საქართველოს“ დედოფლისწყაროს ორგანიზაცია აპროტესტებს საკრებულოს თავმჯდომარე ლევან ბაღაშვილის მიერ პოლიტიკური ნიშნით ხმების მოსყიდვას და წინადადებით გამოდის, გაუქმდეს არსებული სასადილო, ხოლო სახელმწიფოდან გამოყოფილი თანხა ჩაერიცხოთ ამ სათნოების სახლის ბენეფიციარებს.