თბილისი, 15 მარტი, საქინფორმი. გერმანიის საგარეო უწყების განცხადებით, გერმანიის საგარეო საქმეთა მინისტრი გიდო ვესტერველე დღეს თბილისს ეწვევა სამხრეთკავკასიური ტურნეს ფარგლებში, რომლის დროსაც სამი ქვეყნის ხელმძღვანელობასთან ის ევროკავშირთან თანამშრომლობის საკითხებს, რეგიონულ კონფლიქტებს, ეკონომიკურ და ენერგეტიკის საკითხებში ორმხრივ თანამშრომლობასა და ადამიანის უფლებათა დაცვის კუთხით არსებულ ვითარებას განიხილავს.

ვესტერველე, რომელიც თბილისში ბაქოდან ჩამოვა და შემდეგ ერევანში გაემგზავრება, პრეზიდენტ სააკაშვილს, საგარეო საქმეთა მინისტრ გრიგოლ ვაშაძეს და ექს-პრეზიდენტ ედუარდ შევარდნაძეს შეხვდება.