თბილისი, 14 მარტი, საქინფორმი. როგორც საქინფორმს პარტია „თავისუფალი საქართველოს“ პრესსამსახური ატყობინებს, ქუთაისის საქალაქო ორგანიზაციისთვის ცნობილი გახდა, რომ დახარჯული ელექტროენერგიის გადასახადის გადაუხდელობის შემთხვევაში მოქალაქე ჯარიმდება 2 ლარით (ადრე შეადგენდა 0,50 ლარს).

პარტია მიიჩნევს, რომ ეს ფაქტი არის კიდევ ერთი დადასტურება, თუ როგორ ზრუნავს ხელისუფლება სოციალურად დაუცველ ფენაზე. „მხოლოდ და მხოლოდ სიტყვებით ებრძვის რუსეთს, ხოლო რეალურად რუსულ კომპანიას აძლევს საშუალებას, გაძარცვოს საქართველოს მოქალაქეები. რეგიონებში ასეთი წესით ამოღებული თანხები მთლიანად ირიცხება თბილისში „ENERGO-PRO“-ს სათავო ოფისში“, – ნათქვამია პარტიის განცხადებაში.