თბილისი, 12 მარტი, საქინფორმი. „რია ნოვოსტის“ ცნობით, ჟურნალისტებთან საუბრისას ვლადიმერ პუტინმა ის ლიდერები ჩამოთვალა, ვინც გამარჯვება მიულოცა (მაგალითად, საფრანგეთის პრეზიდენტი ნიკოლა სარკოზი), და მათ შორის საქართველოს პრეზიდენტიც დაასახელა, თუმცა შეცდომა იქვე გამოასწორა: „არა, საქართველოდან ჯერჯერობით არ დაურეკავთ“.

შეკითხვაზე, გაემგზავრება თუ არა ჩიკაგოში ობამასთან შეხვედრაზე, პრემიერ-მინისტრმა უპასუხა: „ვნახოთ, ჩიკაგომდე ჯერ დიდი დროა“. ჟურნალისტმა შენიშნა, რომ ჩიკაგო კარგი ქალაქია, პუტინი დაეთანხმა და აღნიშნა: „კი, კარგი ქალაქია, იქ ალ კაპონე ცხოვრობდა“.