თბილისი, 5 მარტი, საქინფორმი. როგორც საქსტატი საქინფორმს ატყობინებს, თებერვალში წლიურმა ინფლაციამ -2,1 პროცენტი შეადგინა, რაც 2009 წლის აგვისტოს შემდეგ საქართველოში პირველი დეფლაციაა.

წინა თვესთან შედარებით, თებერვალში ფასები 0,2 პროცენტით გაიზარდა, რაც, ძირითადად, საწვავისა და სასტუმროების, კაფეებისა და რესტორნების ჯგუფზე ფასების ზრდამ განაპირობა.

შარშანდელ თებერვალთან შედარებით, ფასები სურსათსა და უალკოჰოლო სასმელებზე, ასევე, კავშირგაბმულობის მომსახურებაზე, შესაბამისად, 7,1 და 7,7 პროცენტით შემცირდა.

სატრანსპორტო მომსახურების ფასები თებერვალში, შარშანდელ ანალოგიურ პერიოდთან შედარებით, 21,1 პროცენტით გაიზარდა.