თბილისი, 2 მარტი, საქინფორმი. როგორც საქართველოს სტატისტიკის ეროვნული სამსახურიდან საქინფორმს აცნობეს, საქსტატისა და შვედეთის სტატისტიკის ერთობლივი პროექტის ფარგლებში 4 მარტიდან 8 მარტის ჩათვლით შვედეთის სტატისტიკის სამსახურში დაგეგმილია საქსტატის თანამშრომელთა ერთკვირიანი სასწავლო ვიზიტი.

პროექტის ფარგლებში ეს რიგით მეორე სასწავლო ვიზიტია შვედეთში. სასწავლო ვიზიტი ეთმობა ინფორმაციული ტექნოლოგიების განვითარებას და გულისხმობს  საქსტატის თანამშრომელთა ტრენინგებს  მონაცემთა დაცვაში, IT-სისტემების გაუმჯობესებასა და PC-Axis-ის გამოყენებაში; ასევე, შედგება SIV- სისტემის  პრეზენტაცია. სასწავლო ვიზიტის მსვლელობისას, ასევ,ე დაგეგმილია საქსტატის ინფორმაციული ტექნოლოგიების განვითარების სტრატეგიის შემუშავება და მისი შემდგომი განვითარება.