აქტუალური
ედპ „მეოცნებე“ პარტიების წინააღმდეგ
თბილისი, 29 თებერვალი, საქინფორმი. როგორც „ეროვნულ-დემოკრატიული პარტიის“ წარმომადგენელმა, დეპუტატმა გურამ ჩახვაძემ პარლამენტში პრეზიდენტ სააკაშვილსა და დეპუტატებს შორის გამართულ დებატებზე სიტყვით გამოსვლისას განაცხადა, „ეროვნულ-დემოკრატიული პარტია“ „მეოცნებე“ პარტიებს ბრძოლას უცხადებს.
„ჩვენი პარტია პოლიტიკურ ბრძოლას უცხადებს ყველა იმ ძველ თუ ახალ მეოცნებე პარტიას, რომელთაც პოლიტიკური ამნეზია დაემართათ და მათი ხელისუფლების სათავეში მოსვლის შედეგი რუსეთისთვის საქართველოს ჩაბარება იქნება“, – განაცხადა ჩახვაძემ.
მისივე თქმით, „ედპ მმართველი პარტიის საქმიანობაში ხედავს როგორც დადებით, ისე უარყოფით მხარეებს და მზადაა თანამშრომლობისთვის ყველა იმ საკითხში, რაც ქვეყანას სასიკეთოდ წაადგება.
