აქტუალური
ღია კარის დღე სოციალურად დაუცველი მოსახლეობისთვის
თბილისი, 27 თებერვალი, საქინფორმი. დღეს არასამთავრობო ორგანიზაცია „ადამიანის უფლებათა ცენტრი“ თბილისში მცხოვრები სოციალურად დაუცველი მოსახლეობისთვის ღია კარის დღეს გამართავს.
კონსულტაციები ჩატარდება ადამიანის უფლებათა სახლის პროექტის – „უფასო იურიდიული დახმარება საქართველოს სოციალურად დაუცველი მოსახლეობისთვის“ – ფარგლებში.
პროექტი ხორციელდება ევრაზიის თანამშრომლობის ფონდის პროექტის – „სასამართლო ინიციატივა დამოუკიდებელი მართლმსაჯულებისთვის“ – ფარგლებში, რომელიც დაფინანსებულია ამერიკის შეერთებული შტატების საერთაშორისო განვითარების სააგენტოს მიერ, აღმოსავლეთ-დასავლეთის მართვის ინსტიტუტის მეშვეობით.
