აქტუალური
საქართველო საშუალო რისკის ქვეყნების ჯგუფშია?
თბილისი, 21 თებერვალი, საქინფორმი. საქართველო „Maplecroft“-ის მიერ მომზადებულ „გლობალური რისკების ატლასი 2012-ში“ („Maplecroft Global Risks Atlas 2012“) საშუალო რისკის ქვეყნების ჯგუფში მოხვდა. საშუალო რისკის ქვეყნებში საქართველოსთან ერთად შევიდა აზერბაიჯანი, უკრაინა, სომხეთი და თურქეთი.
ანგარიშში ნათქვამია, რომ ყველაზე სარისკო ჯგუფში მოხვდნენ ბელარუსი, გვინეა-ბისაო, ირანი, სუდანი, თურქმენეთი და ვიეტნამი.
მაღალი რისკის ქვეყნებში მოხვდნენ რუსეთი და ინდოეთი.
„Maplecroft Global Risks Atlas 2012“-ის მიხედვით ყველაზე არასარისკო ქვეყნებად დასახელდა აშშ, კანადა, ავსტრალია, საფრანგეთი, დიდი ბრიტანეთი, სკანდინავიის ქვეყნები, იაპონია.
