თბილისი, 20 თებერვალი, საქინფორმი. რამდენიმე წუთის წინ საქინფორმს საგანგებოდ დაუკავშირდა „მსოფლიო ხალხთა ქრისტიანულ-მუსულმანური მეგობრობის“ ორგანიზაციის თავმჯდომარე მურაზ ნაგიევი, რომელიც ფერეიდნელი ქართველების წინაშე არსებულ საფრთხეებთან დაკავშირებით სპეციალურ განცხადებას ავრცელებს. განცხადების ტექსტს საქინფორმი უცვლელად გთავაზობთ:

„მოგესალმებით, ძვირფასო მამულიშვილნო! „მსოფლიო ხალხთა ქრისტიანულ-მუსულმანური მეგობრობის“ ორგანიზაციამ მიიღო ინფორმაცია იმის შესახებ, რომ ნატოს ჯარი სრულიად მობილიზებულია იმისთვის, რათა დაარტყას ირანის ერთ-ერთ უძველეს და ისტორიულ ქალაქს! ეს ქალაქი ისპაჰანია, სადაც ფერეიდანია! იქ ცხოვრობენ ჩვენი ქართველები, რომლებსაც დღემდე შენარჩუნებული აქვთ ქართული ენა... მივმართავ სრულიად საქართველოს, ჩვენს თანამემამულეებს: გთხოვთ, გაგვიწიოთ თანადგომა და ერთობლივად გადავარჩინოთ ჩვენი ქვეყნის შვილები! წინასწარ დიდ მადლობას მოგახსენებთ თანადგომისთვის...