თბილისი, 17 თებერვალი, საქინფორმი. ოთხი არასამთავრობო ორგანიზაციის (კოალიცია „არჩევნის თავისუფლებისთვის“, „საერთაშორისო გამჭვირვალობა – საქართველოს“, „სამართლიანი არჩევნებისა და დემოკრატიის საერთაშორისო ფონდისა“ და „საქართველოს ახალგაზრდა იურისტთა ასოციაციის“) მიერ მომზადებული საკანონმდებლო წინადადებათა პაკეტი, ასევე, არასამთავრობო და მედიაორგანიზაციების მიერ  2012 წლის 16 თებერვალს ხელმოწერილი პეტიცია საქართველოს პარლამენტს გადაეცემა.

ამ დოკუმენტების საკანონმდებლო ორგანოში შეტანის პარალელურად, პარლამენტთან, საშვთა ბიუროს მხრიდან, სამოქალაქო საზოგადოების აქცია გაიმართება.

შეგახსენებთ, რომ არჩევნების თემაზე მომუშავე არასამთავრობო და მედიაორგანიზაციებმა წამოიწყეს კამპანია „ეს შენ გეხება!“ კამპანიის ფარგლებშიც ისინი მოითხოვენ დღეს მოქმედი საარჩევნო კანონმდებლობის შეცვლას.