აქტუალური
„ქართული ოცნება“ „ევრაზიული კავშირის“ პროექტს გაეცნობა
თბილისი, 13 თებერვალი, საქინფორმი. როგორც ცნობილია, გასული წლის ოქტომბერში რუსეთის პრემიერ-მინისტრი ვლადიმერ პუტინი ახალი ინიციატივით გამოვიდა. გაზეთ „იზვესტიაში“ გამოქვეყნებულ წერილში პუტინი წერდა, რომ პოსტსაბჭოთა ქვეყნებმა „ევრაზიული კავშირი“ უნდა შექმნან, რომელიც აშშ-თან, ევროკავშირსა და აზიასთან კონკურენციაში მნიშვნელოვან როლს შეასრულებს.
აღნიშნულ ინიციატივას საინფორმაციო სააგენტო „ინტერპრესნიუსთან“ ინტერვიუში „ქართული ოცნების“ საგარეო პოლიტიკური თემატური ჯგუფის ხელმძღვანელი თედო ჯაფარიძე გამოეხმაურა, რომლის თქმით, „ქართული ოცნება“ თავის უმთავრეს პრიორიტეტად მიიჩნევს საქართველოს ინტერესების დაცვას, ხოლო რაც შეეხება სხვადასხვა კონცეფციას, მათ შორის, ევრაზიული კავშირის შექმნას, ისინი მათ ყურადღებით გაეცნობიან“.
„მე მაინც მგონია, რომ ამ პროექტს უფრო შიდაპოლიტიკური დატვირთვა აქვს და ეს რუსეთში მიმდინარე საპრეზიდენტო კამპანიის ნაწილი უნდა იყოს“, – დასძინა ჯაფარიძემ.
