თბილისი, 6 თებერვალი, საქინფორმი. ირანი ნებისმიერ ქვეყანაზე მიიტანს იერიშს, რომელსაც „მტერი“ ისლამური რესპუბლიკის წინააღმდეგ აგრესიისთვის გამოიყენებს. ამის შესახებ ირანის ისლამური რესპუბლიკის დამცველთა კორპუსის ხელმძღვანელობაში განაცხადეს.

„ნებისმიერი წერტილი, რომელიც მტრის მიერ გამოყენებული იქნება ირანის წინააღმდეგ მტრული ოპერაციის ჩასატარებლად, საპასუხო აგრესიას მიიღებს“, – განაცხადა ისლამური რევოლუციის დამცველთა კორპუსის მეთაურის მოადგილე ჰოსეინ სალიმმა.

ბოლო დროს ირანის ბირთვულ პროგრამასთან დაკავშირებით დაძაბულობა პიკს აღწევს. ისრაელმა განაცხადა, რომ თეირანს ოთხი ატომური ბომბის დასამზადებლად საკმარისი გამდიდრებული ურანი აქვს.