თბილისი, 2 თებერვალი, საქინფორმი. როგორც საქინფორმს პარტია „თავისუფალი საქართველოს“ პოლიტიკურმა მდივანმა თენგიზ ომანიძემ აცნობა, პარტია მოითხოვს, განემარტოს საზოგადოებას, კონკრეტულად, რა შეთანხმება განიხილება აშშ-თან თავდაცვის სფეროში თანამშრომლობაზე.

„მიხეილ სააკაშვილმა ბარაკ ობამასთან შეხვედრის შემდეგ განაცხადა, რომ ყველაზე მნიშვნელოვანი შეთანხმება, რომელიც ამ შეხვედრის შედეგად იქნა მიღწეული, არის თავდაცვის სფეროში ქართულ-ამერიკული ურთიერთობების კიდევ უფრო მეტად გაღრმავება.

აშშ-თან სამხედრო საკითხებში თანამშრომლობას მხოლოდ ავღანეთის მისიაში 14 ქართველი ჯარისკაცის სიცოცხლე შეეწირა. ამას გარდა, ცნობილია, რომ საქართველო მიმდინარე წელს ავღანეთში კონტინგენტის 1 700-მდე გაზრდას გეგმავს. გარდა ამისა, არსებობს სამხედრო კონფრონტაციის საფუძვლიანი რისკები ირანთან მიმართებაში, სადაც ამ უკანასკნელსა და აშშ-ს შორის დიალოგის პროცესი ჩიხში შევიდა.