საზოგადოება
საქართველოში ითოვებს
თბილისი, 18 იანვარი, საქინფორმი. დღეს თბილისსა და მთელ საქართველოში ითოვებს. სინოპტიკოსები თოვას დღის მეორე ნახევრიდან ვარაუდობენ. ღამით კი უკვე ინტენსიურად ითოვებს. ამ დღეებში უფრო აცივდება. ტემპერატურა კი რამდენიმე გრადუსით დაეცემა. ღამით თბილისში -5 გრადუსი დაფიქსირდება.
ზვავსაშიშროების გამო სტეფანწმინდა-ლარსისა და მლეთა-გუდაურის მონაკვეთებზე ტრანსპორტის გადაადგილება შეზღუდულია. ნალექიანი ამინდი ქვეყანაში სამ-ოთხ დღეს შენარჩუნდება.
როგორც სინოპტიკოსები აცხადებენ, 18 იანვრისათვის საქართველოს მთელ ტერიტორიაზე მოსალოდნელია აცივება, თოვა და ზოგიერთ რაიონში იქროლებს დასავლეთის ძლიერი ქარი.
