თბილისი, 13 იანვარი, საქინფორმი. როგორც საზოგადოებისთვის უკვე ცნობილია, ტელეკომპანია „მაესტროს“ გენერალურმა დირექტორმა ბაჩო კიკაბიძემ დაადასტურა, რომ კომპანია „იგრიკას“ სამაუწყებლო ლიცენზია შპს „აქცეპტს“ გადასცა, რომლის მფლობელიც ბიზნესმენ ბიძინა ივანიშვილის მეუღლე ეკატერინა ხვედელიძეა.

ამ ინფორმაციის გაჟღერებისთანავე მედიასაშუალებებში გაჩნდა ინფორმაცია იმის შესახებ, რომ ივანიშვილი ტელევიზიის დაფუძნებას გეგმავს. ინფორმაცია ბიზნესმენის მრჩეველმა ზურაბ ბიგვავამ დაადასტურა, რომლის განმარტებით, „ის, რომ ივანიშვილს და მის გარემოცვას ტელევიზიის გახსნა უნდათ, ბუნებრივია“.