საზოგადოება
ლაზიკას მშენებლობა მიმდინარე წლის მაისიდან დაიწყება
თბილისი, 10 იანვარი, საქინფორმი. რადიო „კომერსანტის“ ინფორმაციით ცნობილი ხდება, რომ ქალაქ ლაზიკას მშენებლობა მიმდინარე წლის მაისიდან დაიწყება. ქალაქის მშენებლობის თანხები შესაძლოა, საქართველოს რეგიონული განვითარებისა და ინფრასტრუქტურის სამინისტრომ გამოყოს.
სამეგრელო-ზემო სვანეთის გუბერნატორის განცხადებით, ამჟამად ტერიტორიაზე ნიადაგის შესასწავლი და საკადასტრო სამუშაოები მიმდინარეობს. მისივე ინფორმაციით, უახლოეს პერიოდში გამოცხადდება ტენდერი და პირველ ეტაპზე ქალაქის მშენებლობაში კერძო ინვესტიციები ჩაიდება. როგორც გუბერნატორმა აღნიშნა, 2012 წლის სახელმწიფო ბიუჯეტში ლაზიკას პროექტისთვის თანხები არ არის გამოყოფილი.
თუმცა, გუბერნატორის მტკიცებით, საჭიროების შემთხვევაში, რეგიონული განვითარებისა და ინფრასტრუქტურის სამინისტრო თანხების გამოყოფას არ გამორიცხავს.
