საზოგადოება
ივანიშვილი და მისი მეუღლე პატრიარქს შეხვდნენ
თბილისი, 26 დეკემბერი, საქინფორმი. როგორც საქინფორმს ბიზნესმენ ბიძინა ივანიშვილის პრესსამდივნოდან აცნობეს, ივანიშვილი და მისი მეუღლე ეკატერინე ხვედელიძე მიმდინარე წლის 24 დეკემბერს საქართველოს კათოლიკოს-პატრიარქმა ილია მეორემ საპატრიარქოში მიიღო.
ილია მეორე ხელისუფლების მხრიდან შექმნილი სხვა პრობლემებითაც დაინტერესდა. საუბარი შეეხო „ქართული ოცნების“ სათავო ოფისის გახსნასაც. ამასთან დაკავშირებით ბიძინა ივანიშვილმა იმედი გამოთქვა, რომ იანვრის ბოლოდან საზოგადოებრივი მოძრაობის ოფისები რეგიონებშიც გაიხსნება.
შეხვედრის ბოლოს საქართველოს კათოლიკოს-პატრიარქმა ბიძინა ივანიშვილსა და მის მეუღლეს, ეკატერინე ხვედელიძეს, ხატი „საქართველოს იმედი“ აჩვენა. ამ ხატის შესაქმნელად შემოწირულობა ყოვლადწმინდა სამების საკათედრო ტაძარში სამი წლის განმავლობაში გროვდებოდა. როგორც კათოლიკოს-პატრიარქმა ბრძანა, ხატის – „საქართველოს იმედის“ – შექმნის იდეა დიდი ხანია, ჰქონდა.უწმიდესმა ბრძანა, რომ ხატი სასწაულთმოქმედი იქ ნება და მას ხელთუქმნელი უწოდა.
