ზუგდიდი, 23 დეკემბერი, საქინფორმი. მესტიის ბიუჯეტის პროექტში შინაგან საქმეთა სამინისტროს ადგილობრივი ორგანოების დაფინანსება 100%-ითაა გაზრდილი. თანხა მთლიანობაში 108 ათას ლარს შეადგენს.

მესტიაში საარჩევნო წელს გაზრდილია სარეზერვო ფონდიც (შარშანდელთან შედარებით, 50%-ით გაიზარდა). მომატებულია საკრებულოსა და გამგეობის ხელფასებისა და ხარჯებისთვის გამოყოფილი თანხების ოდენობაც. ასევე მნიშვნელოვნად იზრდება სპორტული და კულტურული ღონისძიებებისთვის გამოყოფილი თანხები.

მესტიის ბიუჯეტის პროექტი  3 მილიონ 700 ათას ლარს შეადგენს. აქედან საკუთარი სახსრები 340 ათასი ლარია, დანარჩენ თანხას კი მესტია სახელმწიფო ბიუჯეტისგან მიიღებს.