ბოლო დროს როგორც საქინფორმის საიტზე, ისე საქინფორმისა და ჩემს პირად გვერდებზე „Facebook“-ში გახშირდა შეურაცხმყოფელი და პროვოკაციული ხასიათის კომენტარები და მესიჯები. ბოლო ასეთი შემთხვევები გუშინაც დაფიქსირდა. ცილისმწამებლები არ ერიდებიან როგორც სააგენტოს მოღვაწეობის, ისე ჟურნალისტური კოლექტივის წევრებისა და მისი მთავარი რედაქტორის პიროვნულ ლანძღვას, აფსურდული ბრალდებებითა და პრიმიტიული, საფუძველსმოკლებული ჭორების გავრცელებას.

ვაფრთხილებთ ყველა ამ ბინძური გზავნილის ავტორებს, განსაკუთრებით – ქალბატონების სახელებსა და ავატარებს ამოფარებულ მამრობითი სქესის პიროვნებებს: როგორც საქინფორმის საიტზე www.saqinform.ge ისე საინფორმაციო სააგენტოსა და ჩემს პირად  გვერდზე „Facebook“-ში ჩართულია IP-ამომცნობი, ანუ ყველა ამ უზნეო გზავნილის ავტორთა ვინაობა ჩვენთვის ცნობილია!

ჩვენ არ ავყვებით ამ პროვოკაციებს, პოლემიკაში არ შევალთ ამ ჭორების გამავრცელებლებთან, რითაც ამ ქვეყნის ზოგიერთ ვაიმბრძანებელს არ გავახარებთ, რადგან ყველა შეურაცხმყოფელი შეურაცხოფას თავისი ქმედებებით საკუთარ თავს აყენებს.