აქტუალური
ტომ კრუზმა ქართველი სამხედროები მოინახულა
თბილისი, 12 დეკემბერი, საქინფორმი. საქართველოს თავდაცვის სამინისტროს ინფორმაციით, ჰოლივუდის კინოვარსკვლავმა ტომ კრუზმა გერმანიის სამხედრო ჰოსპიტალში ქართველი ჯარისკაცები მოინახულა. ჰოსპიტალში მკურნალობას ამჟამად 5 ქართველი სამხედრო მოსამსახურე გადის. ქართველი ჯარისკაცები ISAF-ის (საერთაშორისო უსაფრთხოების უზრუნველყოფის ძალები) სამშვიდობო მისიის ფარგლებში ჰელმანდის პროვინციაში ამერიკული კონტინგენტის შემადგენლობაში მსახურობენ.
„ტომ კრუზმა ჰოსპიტალში ყოფნისას მესამე ქვეითი ბრიგადის 33-ე ბატალიონის რიგით ახმედ საფაროვთან სამახსოვრო ფოტოც გადაიღო. მესამე ქვეითი ბრიგადის 33-ე ბატალიონმა, სადაც საფაროვი მსახურობს, უკვე დატოვა ავღანეთი, მას 31-ე ბატალიონი ჩაენაცვლა. თავად საფაროვი საქართველოში მკურნალობის პირველი ეტაპის სრულად ჩატარების შემდეგ დაბრუნდება“, – განმარტავენ სამინისტროში. 
