სამართალი
30-ლარიანი ვაუჩერები
თბილისი, 12 დეკემბერი, საქინფორმი. სასოფლო-სამეურნეო სამუშაოების წარმოების ხელშეწყობის მიზნით, სოფლის მეურნეობის სამინისტრო 30-ლარიანი ვაუჩერების გაცემას იწყებს. ამის შესახებ სოფლის მეურნეობის მინისტრმა ზაზა გოროზიამ განაცხადა.
ვაუჩერის გამოყენება შესაძლებელია მიწის სასოფლო-სამეურნეო სამუშაოებისათვის (მოხვნა ან სხვა სასოფლო-სამეურნეო სამუშაოებისთვის) ან სასუქის შესაძენად (სასუქის ვაუჩერით შეძენა შესაძლებელი იქნება სავაჭრო ობიექტებში, რომლებიც პროგრამისთვის დარეგისტრირებულია სოფლის მეურნეობის სამინისტროში).
ვაუჩერის გამოუყენებლობის შემთხვევაში, 2012 წლის 1 ივნისიდან 31 დეკემბრის ჩათვლით, ვაუჩერის განაღდება „ლიბერთი ბანკის“ ფილიალებში იქნება შესაძლებელი.
მექანიზატორებს და სასუქით მოვაჭრეებს ვაუჩერის განაღდება მიღებისთანავე შეეძლებათ.
