თბილისი, 7 დეკემბერი, საქინფორმი. სოციალური კვლევისა და ანალიზის ინსტიტუტის მიერ ჩატარებული გამოკითხვის შედეგების მიხედვით, გამოკითხულთა 75.7 %-ს რეალურად მიაჩნია არსებული ხელისუფლების შეცვლა მხოლოდ არჩევნების გზით. 12.2 %-ს ამ ეტაპზე არსებული ხელისუფლების შეცვლა ნებისმიერი გზით არარეალურად მიაჩნია; რევოლუციის გზით, თუ ხელისუფლებამ არჩევნები გააყალბა, შესაძლებლად 3.6 %-ს მიაჩნია, 3.2 % კი მიიჩნევს, რომ არსებული ხელისუფლება უნდა შეიცვალოს რევოლუციის გზით არჩევნებამდე.

კვლევა საქართველოს განვითარების კვლევითი ინსტიტუტის დაკვეთით 2011 წლის 11-22 ნოემბერს ჩაატარა.

კვლევა საარჩევნო ასაკის მოსახლეობის პოლიტიკური განწყობებისა და ქვეყანაში მიმდინარე პროცესების მიმართ ამომრჩეველთა დამოკიდებულების შესწავლას ეხებოდა. სულ გამოიკითხა დაახლოებით 3000 რესპონდენტი საქართველოს 11 რეგიონში, თბილისის ჩათვლით.