თბილისი, 21 ნოემბერი, საქინფორმი. ივანე ჯავახიშვილის სახელობის თბილისის სახელმწიფო უნივერსიტეტში საინიციატივო ჯგუფმა „თბილისის ტრამვაის“ პრეზენტაცია გამართა. კონფერენციაში თემაზე – „თანამედროვე ტრამვაის წარმოება და თბილისი“ – მონაწილეობდნენ  თბილისის საკრებულოს გარემოს დაცვის კომისიის თავმჯდომარის მოადგილე, თბილისის მერიის სატრანსპორტო სამსახურის უფროსი, საინიციატივო ჯგუფი „თბილისის ტრამვაის“ წარმომადგენელი, ჩეხეთის ელჩის მოადგილე მიროსლავ კოსეკი და თსუ-ს სტუდენტური თვითმართველობის წარმომადგენლები.

პრეზენტაციაზე, რომლის მიზანი საზოგადოებისთვის სატრანსპორტო საშუალების – ტრამვაის, უპირატესობის გაცნობა იყო, ტრამვაის სხვადასხვა წარმოებისა და მარკის ვაგონები განიხილეს.  წარმოდგენილ იქნა ჩეხური წარმოების ტრამვაის ვაგონების ფოტონიმუშებიც, რადგან ყველაზე დიდი რაოდენობით სხვადასხვა ქვეყანაში სწორედ ჩეხური წარმოების ტრამვაი ფუნქციონირებს.