მცირე მეწარმეებისთვის ფიქსირებული გადასახადი დაწესდება

სამართალი

fiqsirebuli თბილისი, 15 ნოემბერი, საქინფორმი. შემოსავლების სამსახური მცირე მეწარმეებს გადასახადების დაფარვის ახალ წესს სთავაზობს და ფიქსირებულ გადასახადს უწესებს. შესაბამისად, მათ სპეციალური ბუღალტერიის წარმოება და სალარო აპარატის მოხმარება აღარ მოუწევთ. გადასახადის ოდენობას მთავრობა რაიონების მიხედვით ტერიტორიული პრინციპით დააწესებს. ახალი კანონპროექტი პარლამენტში განსახილველად მომავალ კვირას შევა.

„ვთავაზობთ მცირე მეწარმეებს, შემოღებულ იქნეს ფიქსირებული გადასახადი. ასეთ შემთხვევაში მეწარმეს აღარ მოუწევს საბუღალტრო წარმოება, არ დასჭირდება სალარო აპარატი და 100-ათასიან ზღვარზე მიახლოების შემთხვევაშიც მას არ ექნება ვალდებულება, დარეგისტრირდეს დღგ-ს გადამხდელად“, – აცხადებს საქართველოს ფინანსთა სამინისტროს შემოსავლების სამსახურის უფროსი ჯაბა ებანოიძე.