სამართალი
სოლიდარობა უჩვეულო ფორმით
ლანჩხუთი, 9 ნოემბერი, საქინფორმი. ლანჩხუთის პოლიციის შენობას ერთ-ერთი ადგილობრივი მცხოვრები ტრაილერით დაეჯახა. ინფორმაციას „გურია ნიუსი“ ავრცელებს, რომლის ცნობით, ტრაილერის მძღოლმა ერთმანეთთან ფიზიკური დაპირისპირების გამო დაკავებულ მეგობრებს ამ ფორმით სოლიდარობა გამოუცხადა.
არსებული ინფორმაციით, მძღოლი პოლიციის შენობას ტრაილერით სამჯერ დაეჯახა. დაზიანებულია მხოლოდ შენობის წარწერა. მძღოლი ადგილზე დააკავეს.
არაოფიციალური ინფორმაციით, მის წინააღმდეგ სისხლის სამართლის საქმე აღიძრა. საქმეზე ზედამხედველობას ოზურგეთის პროკურატურა აწარმოებს.
