ზუგდიდი, 31 ოქტომბერი, საქინფორმი. კონსტიტუციური უსაფრთხოების დეპარტამენტის თანამშრომლებმა ხობის მუნიციპალიტეტის გამგებელი იგორ ტყებუჩავა ტენდერებში გამოვლენილი დარღვევების გამო დააკავეს. ამჯამად ბრალდებული თბილისში დასაკითხავადაა გადაყვანილი.

კონკრეტულად რის გამო დააკავეს გამგებელი, მისი ორივე მოადგილისთვის უცნობია. გიორგი გაწერელია და რალა ჩემია აცხადებენ , რომ დაკავების შესახებ არანაირი დეტალები არ იციან. მათი თქმით, „იგორ ტყებუჩავა კარგი გამგებელი იყო და აზრად არ მოსდით, რატომ უნდა მომხდარიყო მისი დაკავება“.

ხობის პოლიციაში დაკავების მიზეზებზე არ საუბრობენ და აცხადებენ, რომ ყველაფერს გამოძიება დაადგენს.