თბილისი, 31 ოქტომბერი, საქინფორმი. საქართველოს პრემიერ-მინისტრი ნიკა გილაური დღეს, 18:00 საათზე, ვიდეოკონფერენციას გამართავს „Facebook“-ში. პრემიერი საქართველოს მთავრობის სამოქმედო „ათპუნქტიანი გეგმის“ პრეზენტაციას წარმოადგენს. გეგმა 2011-2015 წლების საქართველოს ეკონომიკის განვითარების ძირითად მიმართულებებსა და დასაქმების პრობლემის დასაძლევად მთავრობის ერთიან სტრატეგიას ითვალისწინებს.

პრემიერ-მინისტრი მოქალაქეების კითხვებსაც უპასუხებს. კითხვების დასმა მსურველებს „Facebook“-ში პრემიერის ოფიციალურ გვერდზე – https://www.facebook.com/NikaGilauri შეუძლიათ. კითხვა ღონისძიების პოსტზე კომენტარის სახით უნდა განთავსდეს.