თბილისი, 28 ოქტომბერი, საქინფორმი. როგორც „თავისუფალი საქართველოს“ პრესსამსახური საქინფორმს ატყობინებს, ბრიუსელში გაიმართა კახა კუკავასა და დიმიტრი ლორთქიფანიძის შეხვედრა ევროკავშირის უმაღლესი კომისრის – ქეთრინ ეშტონის, წარმომადგენელთან კავკასიის საკითხებში ვოიცეხ ვისოცკისთან.

შეხვედრაზე  დიმიტრი ლორთქიფანიძემ და კახა კუკავამ ევროკავშირის წარმომადგენელს ინფორმაცია მიაწოდეს საქართველოში პოლიტიკური ნიშნით დაკავებულ პირებზე, გააცნეს 26 მაისს საპროტესტო აქციის დარბევის შესახებ იურისტების მიერ შემუშავებული სამართლებრივი დასკვნა და  ისაუბრეს 2012 წლის არჩევნების პერსპექტივებზე.