საზოგადოება
ქართული ხელნაწერები „იუნესკოს“ ხელნაწერი ძეგლების ნუსხაში შეიტანეს
თბილისი, 25 ოქტომბერი, საქინფორმი. 2011 წელს ქართული ხელნაწერები „იუნესკოს“ მსოფლიო დოკუმენტურ რეესტრში შევიდა. იუნესკოს პროგრამა „მსოფლიო მეხსიერების“ რეესტრში მსოფლიოს სხვადასხვა ქვეყნის 245 ხელნაწერი ძეგლია შესული.
პროგრამის მიზანია, უზრუნველყოს მსოფლიო დოკუმენტური მემკვიდრეობის დაცვა უახლესი და ყველაზე შესაბამისი ტექნოლოგიით; მხარი დაუჭიროს დოკუმენტური მემკვიდრეობის ხელმისაწვდომობასა და პოპულარიზაციას მთელი მსოფლიოს მასშტაბით.
ქართული კოლექცია ყველაზე ძველია. ქართული წერილობითი წყაროების გვერდით „იუნესკოს“ რეესტრს დაემატა აშშ-ის, საფრანგეთის, ყაზახეთის, პორტუგალიის, სომხეთისა და ანგოლას დოკუმენტური ძეგლებიც.
