საზოგადოება
ვენეციის კომისიის ექსპერტთა ვიზიტი თბილისში
თბილისი, 24 ოქტომბერი, საქინფორმი. ამ კვირას თბილისში ვენეციის კომისიის ექსპერტები ჩამოვლენ, რომლებიც როგორც სახელისუფლო, ისე ოპოზიციური პარტიებისა და არასამთავრობო ორგანიზაციების წარმომადგენლებს შეხვდებიან. ვიზიტის მიზანი საქართველოში მიმდინარე საარჩევნო პროცესის გაცნობა და მასზე მომუშავე ჯგუფების მოსაზრებების მოსმენაა.
ექსპერტთა დაბრუნების შემდეგ გაიმართება ვენეციის კომისიის სხდომა, სადაც მათთვის გადაგზავნილ „საარჩევნო კოდექსში“ ცვლილებების პროექტზე დასკვნას მოამზადებენ. დასკვნის მომზადებისა და საქართველოში გამოგზავნის შემდეგ ახალ საარჩევნო კანონმდებლობაზე მუშაობას უკვე პარლამენტი დაიწყებს.
ვენეციის კომისიის ექსპერტებს საქართველოში 26 ოქტომბრისთვის ელოდებიან.
