აქტუალური
ივანიშვილის წარმომადგენლები ევროპაში შეხვედრებს მართავენ
თბილისი, 24 ოქტომბერი, საქინფორმი. ბიძინა ივანიშვილის მრჩეველთა საბჭოს წევრები ბრიუსელში რიგ შეხვედრებს გამართავენ. ივანიშვილის ადვოკატი ეკა ბესელია და მრჩეველთა საბჭოს წევრი ირაკლი სესიაშვილი ევროპაში უკვე გაემგზავრნენ. ისინი დღეს ევროკომისიის თავმჯდომარის მოადგილე პიერ ემერსონსა და ევროპარლამენტარებს შეხვდებიან, რომლებიც კავკასიის საკითხებზე მუშაობენ.
ბრიუსელში დაგეგმილ შეხვედრებზე, რომლებიც მედიაკავშირ „ობიექტივის“ ორგანიზებით გაიმართება, საუბრის მთავარი თემა ბიძინა ივანიშვილისა და მისი მეუღლე ეკატერინე ხვედელიძისთვის საქართველოს მოქალაქეობის ჩამორთმევა იქნება.
ხვალ, 25 ოქტომბერს კი, ივანიშვილის მრჩეველთა საბჭოს წევრები საერთაშორისო მედიის წარმომადგენლებისთვის პრესკონფერენციას გამართავენ.
ბესელია და სესიაშვილი საქართველოში 27 ოქტომბერს დაბრუნდებიან.
