თბილისი, 24 ოქტომბერი, საქინფორმი. როგორც საქართველოს საგარეო საქმეთა მინისტრის მოადგილე ნინო კალანდაძემ დღეს გამართულ ტრადიციულ ბრიფინგზე განაცხადა, მიმდინარე წლის 27 ოქტომბერს საქართველოს ნატოს გენერალური მდივნის სპეციალური წარმომადგენელი კავკასიასა და ცენტრალურ აზიაში ჯეიმს აპატურაი ეწვევა.

„ეს ამ რანგში აპატურაის მეორე ვიზიტია საქართველოში. ჩვენ მოხარული ვართ ამ ფაქტის გამო. ამას აღვიქვამთ, ერთი მხრივ, როგორც პოლიტიკურ მხარდაჭერად, მეორე მხრივ კი - ნატო-საქართველოს თანამშრომლობის ინტერესად. ვიზიტის ფარგლებში განხილული იქნება ამ თანამშრომლობასთან დაკავშირებული ყველა საკითხი“, - განაცხადა კალანდაძემ.