თბილისი, 24 ოქტომბერი, საქინფორმი. ეს განცხადება აშშ-ის ელჩმა საქართველოში ჯონ ბასმა „საზოგადოებრივი მაუწყებლის“ ეთერში ჟურნალისტ ეკა კვესიტაძის გადაცემაში საუბრისას გააკეთა და აღნიშნა, რომ რუსეთის მსო–ში გაწევრიანება როგორც ამერიკის, ასევე ორგანიზაციის წევრი ქვეყნების ინტერესშია.

ელჩის თქმით, მსოფლიო სავაჭრო ორგანიზაციაში რუსეთის გაწევრება აუცილებელია იმისთვის, რომ სავაჭრო ურთიერთობები მოექცეს მსო-ს წესების ფარგლებში და დარეგულირდეს ამ ორგანიზაციის წესებით.

„ჩვენ ვუჭერთ მხარს რუსეთის ჯანმრთელ ურთიერთობას მის მეზობლებთან, ევროკავშირთან და, ასევე, ვაჭრობის მსოფლიო ორგანიზაციასთან. მიგვაჩნია, რომ გაწევრება უნდა მოხდეს მსო-ს წესების პატივისცემით. ჩვენ ვუჭერთ მხარს საქართველოსა და რუსეთის მცდელობას, რომ ორმხრივ შეთანხმებას მიაღწიონ. ეს ორი მთავრობის საქმეა, რომ აწარმოონ მოლაპარაკებები“, – განაცხადა ბასმა.