სამართალი
იტალიაში კრიმინალური დაჯგუფების 6 ქართველი წევრი დააკავეს
იტალია, 15 ოქტომბერი, საქინფორმი. ამჟამად დაკავებულები წინასწარი დაკავების იზოლატორში ჰყავთ გადაყვანილი. ისინი სასამართლო პროცესის დაწყებას ელოდებიან. შეიარაღებული კრიმინალური დაჯგუფების წევრები სამართალდამცველებმა ქალაქ ჩენტოჩელეში დააკავეს. არალეგალი ქართველების ბინაში ჩხრეკა დაკავებისთანავე ჩატარდა, საიდანაც რამდენიმე ათასი ევროს ღირებულების ნაქურდალი ნივთები ამოიღეს.
როგორც პოლიციის ოფიციალურ განცხადებაში წერია, ქართველი კრიმინალების ჯგუფი რამდენიმე სახლის ქურდობასა და ძარცვაშია ბრალდებული. მათი დაკავების შესახებ ოფიციალური შეტყობინება უკვე მიიღეს რომში საქართველოს დიპლომატიურ წარმომადგენლობაში, თუმცა საქმის ყველა დეტალის გარკვევამდე საგარეო უწყება ოფიციალური კომენტარს არ აკეთებს. 
