პოლიტიკა
ბიძინა ივანიშვილი – 2010 წლის ამომრჩეველთა სიაში
თბილისი, 12 ოქტომბერი, საქინფორმი. როგორც მკითხველისთვის ცნობილია, გუშინ მასობრივი ინფორმაციის საშუალებებით (მათ შორის, საქინფორმის მეშვეობითაც) სამოქალაქო რეესტრის სააგენტოს განცხადება გავრცელდა, სადაც ნათქვამი იყო: „საქართველოს კონსტიტუციისა და „საქართველოს მოქალაქეობის შესახებ“ საქართველოს ორგანული კანონის მოთხოვნათა გათვალისწინებით, ბიძინა ივანიშვილს შეუწყდა საქართველოს მოქალაქეობა“.
როგორც „თავისუფალი საქართველოს“ პრესსამსახური საქინფორმს აცნობებს, პარტია დაინტერესდა აღნიშნული ფაქტით და მისმა შესაბამისმა სამსახურმა 2010 წლის თვითმმართველობის არჩევნებისთვის შედგენილი სია გადაამოწმა, სადაც ბიზნესმენი ბიძინა გრიგოლის ძე ივანიშვილი სოფელ ჭორვილას ამომრჩეველთა სიაში აღმოაჩინა. 
