საზოგადოება
თბილისში ილიკო სუხიშვილისა და ნინო რამიშვილის ძეგლი დაიდგა

Zegli-iთბილისი, 10 ოქტომბერი, საქინფორმი. თბილისობის დღესასწაულზე ჯანსუღ კახიძის ბაღის შესასვლელში, იმ ადგილას, სადაც წლების განმავლობაში ყველაზე ცნობილი ქართული ანსამბლის – „სუხიშვილების“ ხელმძღვანელები მუშაობდნენ, ბრინჯაოში ჩამოსხმული ილიკო სუხიშვილისა და ნინო რამიშვილის ძეგლი  საზეიმოდ გაიხსნა. ძეგლზე ცნობილი ქართველი მოქანდაკე ზურაბ წერეთელი ოთხი წლის განმავლოვაში მუშაობდა. ძეგლის დასამონტაჟებელი სამუშაოები თბილისის მერიამ განახორციელა.

ილიკო სუხიშვილისა და ნინო რამიშვილის ძეგლის გახსნას თბილისის მერი გიგი უგულავა, მაესტროთა შთამომავლები და თბილისში სტუმრად მყოფი ერევნისა და კიშინიოვის მერები დაესწრნენ.