პოლიტიკა
მინსკში მიხეილ გალუზინისა და გიორგი ზურაბაშვილის შეხვედრა გაიმართა

 საქართველო, 20 ნოემბერი, საქინფორმი. 19 ნოემბერს მინსკში რუსეთის ფედერაციის საგარეო საქმეთა მინისტრის მოადგილე მ. ი. გალუზინი შეხვდა რუსეთის ფედერაციასთან ურთიერთობის საკითხებში საქართველოს პრემიერ-მინისტრის სპეციალურ წარმომადგენელს, საქართველოს საგარეო საქმეთა მინისტრის პირველ მოადგილეს გ. ზურაბაშვილს, განახლებული პირდაპირი რუსულ-ქართული დიალოგის ფარგლებში.

გაიმართა საფუძვლიანი აზრთა გაცვლა ორმხრივი ურთიერთქმედების აქტუალურ საკითხებზე, სავაჭრო-ეკონომიკურ და კულტურულ-ჰუმანიტარულ თანამშრომლობაზე აქცენტირებით. მიღწეულ იქნა რიგი პრაქტიკული შეთანხმებები.

განხილულ იქნა რეგიონული უსაფრთხოების პრობლემატიკა.

ორივე დელეგაციის ხელმძღვანელებმა მადლიერება გამოხატეს ბელარუსული მხარის მიმართ რუსულ-ქართული შეხვედრის ორგანიზებაში ხელშეწყობისთვის.

შეთანხმდნენ კონტაქტების გაგრძელებაზე რუსეთსა და საქართველოს შორის ურთიერთობების შემდგომი განვითარების ინტერესებიდან გამომდინარე.