საქართველო, 11 ნოემბერი, საქინფორმი. 2026 წლის იანვარ-ოქტომბერში სს „ყაზტრანსოილის“ შვილობილმა კომპანიამ - შპს „ბათუმის საზღვაო პორტმა“ (ბსპ) - 6 მილიონ 900 ათასი ტონა ტვირთი გადაამუშავა, რაც 2025 წლის ანალოგიურ პერიოდთან შედარებით 13%-ით მეტია.

დადებითი დინამიკა უზრუნველყო მშრალი, საკონტეინერო და საბორნე ტვირთების გადაზიდვების ზრდამ. კერძოდ, საანგარიშო 10 თვეში მშრალი ტვირთების გადამუშავების მოცულობამ შეადგინა 1 მლნ 596 ათასი ტონა, რაც 10%-ით აღემატება გასული წლის მაჩვენებელს.

საკონტეინერო ტვირთების გადამუშავებამ შეადგინა 3 მლნ 264 ათასი ტონა (ზრდა 15%). მნიშვნელოვანი ზრდა დაფიქსირდა საბორნე გადაზიდვების სეგმენტში, სადაც მოცულობამ 467 ათას ტონას მიაღწია (58%-იანი ზრდა). ეს დაკავშირებულია ხაზის „კონსტანცა-ბათუმი“ ამოქმედებასთან და ხაზზე „ვარნა-ბათუმი“ დამატებითი ბორნის გაშვებასთან.

ნავთობპროდუქტების გადატვირთვამ 1 მლნ 571 ათასი ტონა შეადგინა (+3%). იანვარ-ოქტომბრის შედეგები ადასტურებს სტაბილურ მოთხოვნას ბათუმის პორტის მომსახურებაზე და მის პოზიციონირებას შავი ზღვის რეგიონის სატრანსპორტო ინფრასტრუქტურასა და „შუა დერეფანში“.