საქართველო, 12 ოქტომბერი, საქინფორმი. ძალიან ბევრჯერ გავრცელდა ცრუ ინფორმაცია, დეზინფორმაციაზე აგებული განცხადებები Amnesty International-ის მხრიდან, - ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.

როგორც მთავრობის მეთაურმა აღნიშნა, ქართული საზოგადოების თვალში ამ ორგანიზაციამ, სამწუხაროდ, დაკარგა ნდობა.

„ძალიან ბევრჯერ გავრცელდა ცრუ ინფორმაცია, დეზინფორმაციაზე აგებული განცხადებები ამ ორგანიზაციის მხრიდან. შესაბამისად, ქართული საზოგადოების თვალში ამ ორგანიზაციამ, სამწუხაროდ, დაკარგა ნდობა. ეს არის რეალობა. აქედან გამომდინარე, მე რუბიოს დამოკიდებულება ამ ორგანიზაციისადმი საერთოდ არ მიკვირს“, - განაცხადა ირაკლი კობახიძემ.

ცნობისთვის, აშშ-ის სახელმწიფო მდივანმა, მარკო რუბიომ განაცხადა, რომ Amnesty International თაღლითური ორგანიზაციაა.